الضحك للجميع | معلوماتك تغير حياتك

الضحك للجميع

اضحك اجدع منك ليه .. محدش واخد منها حاجه ، حتى لو مراتك منكّده عليك .. برضه اضحك ، ده عم...





اضحك اجدع منك ليه .. محدش واخد منها حاجه ، حتى لو مراتك منكّده عليك .. برضه اضحك ، ده عمنا صلاح جاهين قال ( الضحك ده مزيكا كهربا على ميكانيكا ) ، يعنى لو ضحكت هتستفيد من جميع النواحى ، هتنسى همومك حتى لو لدقايق وكمان هتلاقى الفولت عندك زاد ، وفى وقت لما النور يكون قاطع عند الناس كلها .. هتكون انت منوّر بضحكتك ، ومدام الحياة كده كده ماشيه سواء ضحكت ولا ما ضحكتش .. يبقى خلاص اضحك احسن لحد ما سنانك تبان ، ده بيقولك الضحكه بيحرك 100 عضله وبينشط الغدد .. ودى برضه غددك مش غدد حد غريب ، يعنى يرضيك غددك تنام زعلانه ، اضحك يا صاحبى وسيبك من المثل الرخم اللى بيقول ( الضحك من غير سبب قلة ادب ) ، ده اللى قال المثل ده كان راجل بيعشق النكد زى عنيه ، واكيد الراجل ده مات مكتئب ووشه شقق من كتر التكشيرة .
انا عايزك تضحك بقى بسبب ومن غير سبب واوعى تخلى لضحكتك فرامل ، عايزك تدوس بنزين الضحك ع الأخر وتفرم النكد فرم .. عايزك تخلّى النكد كفته ، واتلكك على اى فرحه ولو كانت صغيرة واديها ضحك ، بس اوعى تعمل زى المصريين اللى فى الحزن بيبكوا والفرح برضه بيبكوا ، سيبك من منطق ( دمعه لكل مواطن ) ، اضحك وكركر زى كركرة الشيشه .. دى الضحكة اللى بتروح ما بترجعش .
ده حتى وانت فى عز فشلك ممكن تضحك وتكمل عادى وكأن مفيش حاجه حصلت ، مش بيقولك اكتر حاجه تغيظ عدوك وتفقع مرارته حتى وانت مهزوم هى انك تضحك ، خلاص يا عم اعتبر الفشل والنكد عداوينك وكل ما تقابل حيطه سد .. كسّر ام اللى جابها بضحكتك يا ابو ضحكه جنان انت .
فى الهند ام العجايب عملوا نوادى للضحك ، والناس فى النوادى دى بيضحكوا عمال على بطال ، يعنى تدخل النادى تلاقى الكل نازل كركره بمناسبة ومن غير مناسبه ، واحنا مش اقل من الهنود اجدع ، ولو بصيت للجماعه الصينين هتلاقى البشمهندس بوذا بتاعهم فى كل التماثيل بتاعته فاشخ بقه ع الأخر وهاتك يا ضحك ، والصينين مش احسن مننا .. دحنا اللى اخترعنا الضحك والدم الخفيف .
ايه المواطنون : ( اضحكوا وكركروا الى ما لا نهايه ) ، اضحكوا ده حتى الحيوانات بتضحك ، اضحكوا ده شكل الواحد بيتغير 360 درجه للأحسن لما بيضحك ، بس فكك انت وهو من الضحكات الشريرة المتقطعه بتاعت ممثلين افلام الأبيض واسود ، الحكاية مش ناقصه شر ، خلّوا الضحك حاجه مميزه ومهمه فى حياة كل واحد فيكوا ، اضحكوا ده الضحك نور وحياة .
وفى النهاية اسمعوا النكتة دى .. قصدى اقروا النكته دى .
( بيقولك واحد بلدياتنا كان بيحب الجبنه المش اوى اوى ، وفضل شهر يفطر مش ويتغدى مش ويتعشى مش ، وكان كل ما ياكل ينسى يسمى ، وفى ليلة جاب طبق المش ولسّه راح يمد ايده ، قام الشيطان ظهرله ومسك ايده قبل ما ياكل وقاله : ابوس ايديك تسمى حرقة قلب امى ) يعنى الشيطان نفسه تعب من كتر اكل المش مع بلدياتنا #هههههه او #كركركركر زى ما انت عايز بقى . 



                                         
                            اقرأ ايضا : زحلّقنى شكراً بأى موزه

                                              ***
                                       محمد عبدة زيدان




التعليقات

.
الاسم

آداب وفنون الأسرة الصحة والجمال ضوضاء طبيبك الخاص عالم المنوعات علوم وتكنولوجيا غرائب وطرائف كيف
false
rtl
item
معلوماتك تغير حياتك: الضحك للجميع
الضحك للجميع
http://3.bp.blogspot.com/-y_jdGZ7O6dw/VK9JyTPMyKI/AAAAAAAABmw/0AeRu4vfDSc/s1600/smiley-face-wallpaper-016.jpg
http://3.bp.blogspot.com/-y_jdGZ7O6dw/VK9JyTPMyKI/AAAAAAAABmw/0AeRu4vfDSc/s72-c/smiley-face-wallpaper-016.jpg
معلوماتك تغير حياتك
http://www.ma3lomatk.com/2015/01/Laughter-for-all.html
http://www.ma3lomatk.com/
http://www.ma3lomatk.com/
http://www.ma3lomatk.com/2015/01/Laughter-for-all.html
true
35646391040827467
UTF-8
لا يوجد إي منشورات شاهد الكل إقرأ المزيد الرد إلغاء الرد حذف بواسطة الصفحة الرئيسية الصفحات المقالات View All ننصحك بمشاهدة هذه المقالات LABEL الأرشيف SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy