التعليم فى مصر ( عبيلو واديلو ) | معلوماتك تغير حياتك

التعليم فى مصر ( عبيلو واديلو )

من ايام اجدادنا الفراعنة الله يرحمهم ويبشبش الطوبة اللى تحت الموميا بتاعتهم والتعليم ...





من ايام اجدادنا الفراعنة الله يرحمهم ويبشبش الطوبة اللى تحت الموميا بتاعتهم والتعليم فى مصر ما اتغيرش ابدا وتقريبا كدة الكتب والمناهج المصرية من ساعة ما اكتشفوها مع الأثار الفرعونية وهما محتفظين بيها كنوع من القيمة العظيمة التى لا يجوز المساس بها بأى شكل من الأشكال ، ولما اساتذة التعليم اللى قال ايه بيطورا فى المناهج عشان الطالب المصرى يستفيد ويبهر العالم بذكائه الخارق للطبيعة مشيوا بمبدأ ( عبيلو واديلوا وعلى قد ما تقدر يا ابنى انت وهو شيلوا ) ، وكمان احشر فى الفصل خمسين ستين طفل عادى عشان يدفوا بعض فى الشتا ، نفسى اعرف من العبقرى ابو دماغ متكلفة اللى قال ان التعليم يبقى شكله كدة .. ده اكيد مكانه الطبيعى مستشفى المهابيل .
ويا عينى التلميذ المصرى الغلبان يفضل يحشر فى دماغه معلومات هو اصلا مش عارف ايه الفايدة منها عشان ييجى اخر السنة يدلقها فى ورقة الأجابة وخلاص خلصت الحكاية على كدة وبمجرد ما يطلع من الأمتحان بينسى هو كان بيمتحن فى ايه اصلا ، وفجاة وبقدرة قادر يجيلوا زهايمر يمحى كل اللى فضل يذاكر ويحفظ فيه ايام وشهور عشان يبتدى يرجع لنفس الدايرة العقيمة تانى ويحفظ تانى المادة اللى بعدها وهكذا الدايرة شغاله ما بتقفش ( ودوخينى يا لمونة دوخينى ) ، ده كل ده طبعا مع التلميذ او الطالب الشاطر اللى بمقياس التعليم بتاعنا هو عبقرى .. لكن بقى لو الحكاية دى مع طالب على قده تبقى الواقعه سودة ومنيلة لأن ساعتها بيضطر يعمل حاجات بيرفضها اى عقل سليم زى انه يبتدى يظبط برشام المواد وخد عندك بقى المواهب اللى بتظهر فى الحتة دى ، تلاقى الطالب من دول برنس فى الغش ودماغه بقت كمبيوتر فى حفظ وتطوير اساليب الغش ، ويا سلام بقى لو كان فيه مدرس عنده ضمير شوية وما بيحبش موضوع الغش ده .. تلاقى الطالب عمال يسب ويلعن فى المدرس كأنه ابو لهب وبيعذب فيه ، وتلاقى مدرس تانى مش عاجبه وضع ان المدرس ابو ضمير صاحى شادد على العيال ومش عايز يفك اللجنة شوية عشان العيال الغلابة ترزق ، فتلاقيه خد المدرس على جنب قعد يحكى معاه فى اى حكاية عشان العيال تصرف نفسها فى خمس او عشر دقايق ، وشوف بقى كمية الأنبساط اللى بتظهر عليهم بعد العشر دقايق الحلويين دول .. كأن حرامى كان مقفوش وهو بيسرق وربنا كرمه وعرف يخلع بالسريقه بتاعته .
طبعا الغش حرام كلنا عارفين كده واللى بيحصل فى التلميذ المصرى من صغره مش حرام ابدا ، انك تفضل تعبى وتحشى فى دماغ اطفال ابرياء لسه بيقولوا يا هادى حاجات اكبر من اى مخ طبيعى فى السن ده ، وتخليهم يتعودا على الغش من صغرهم وعلى كره المدرسة والمدرسين لحد ما يتعلموا التزويغ من المدرسة وبعد ما يكبروا ممكن يزنقوا اى مدرس مش عاجبهم ويدولوا الطريحه التمام .. ما هو خلاص ما بقاش فيه احترام اصلا ، والواد هيحترم مدرسينه ليه اصلا وهما السبب فى كفره بكل اشكال التعليم الغبى اللى سيطر على كل تفكير البلد .
يا جماعة مبدأ عبيلوا واديلوا مش موجود اصلا فى اى حتة غير عندنا علشان كده احنا فشخنا العالم انبهار ، ده مش بعيد تكون مدغشقر وسيراليون والدول البدائية دى مع احترامى ليهم يكون التعليم عندهم احسن مننا مليون مرة ، طب ازاى عايز تطلع جيل بيفهم ويبقى قادر على التقدم والتطوير وهو اصلا زى الحمار مش فاهم حاجه فى اى حاجه ، ارحمونا بقى ده احنا بالطريقة دى هنفضل نرجع لورا لحد ما نخبط فى اخر سور بينا وبينا كوكب زحل وهتبقى ساعتها وقعتنا زوحل .




                                                  ***
                                           محمد عبدة زيدان                                                               



التعليقات

.
الاسم

آداب وفنون الأسرة الصحة والجمال ضوضاء طبيبك الخاص عالم المنوعات علوم وتكنولوجيا غرائب وطرائف كيف
false
rtl
item
معلوماتك تغير حياتك: التعليم فى مصر ( عبيلو واديلو )
التعليم فى مصر ( عبيلو واديلو )
http://3.bp.blogspot.com/-U_bustqORmo/VKGZs0JiyeI/AAAAAAAABkA/08xS6qGEqqo/s1600/2013121584835339580_20.jpg
http://3.bp.blogspot.com/-U_bustqORmo/VKGZs0JiyeI/AAAAAAAABkA/08xS6qGEqqo/s72-c/2013121584835339580_20.jpg
معلوماتك تغير حياتك
http://www.ma3lomatk.com/2014/12/blog-post_61.html
http://www.ma3lomatk.com/
http://www.ma3lomatk.com/
http://www.ma3lomatk.com/2014/12/blog-post_61.html
true
35646391040827467
UTF-8
لا يوجد إي منشورات شاهد الكل إقرأ المزيد الرد إلغاء الرد حذف بواسطة الصفحة الرئيسية الصفحات المقالات View All ننصحك بمشاهدة هذه المقالات LABEL الأرشيف SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy