( رسالة من شاب فرفور الى ارهابى ) هاى اونكل ارهابى .. بليز ممكن تبعتلى الأيميل بتاعك علشان اكلمك ع الخاص ، بجد انا عايزك فى حاجه مهم...
( رسالة من شاب فرفور الى ارهابى )
هاى اونكل ارهابى .. بليز ممكن تبعتلى الأيميل بتاعك علشان اكلمك ع الخاص ، بجد انا عايزك فى حاجه مهمه خالس خالس، انا نفسى من زمان ابقى ارهابى بس مش عارف ، حاولت كتير اوى اوى بس كل مرة كنت بفشل مش عارف ليه ، انا عندى ميول من وانا صُغير انى اكون ارهابى .. يعنى علتول علتول كنت بخض صحابى بالبومب اللى كنت بشتريه من مصروفى وكانوا بيترعبوا اوى منى لدرجة انهم كانوا بيشتمونى علتول ويقولولى ( يا وِحش ) ، موش كده يا اونكل انا انفع اكون ارهابى .
على فكرة بقى يا اونكل انا ممكن ادخل على اى شلة بنات واقولهم بخ واخضهم ، وممكن كمان اشترى لبان والزقو فى اى شعر بنوته زميلتى فى الكامعه ، وممكن اشترى كيلو قشر موز وارميه فى التريق عشان الناس تتزحلّق ، انا عندى افكار كتير اوى بس انت ادينى فورسه يا اونكل .
انا مبسوت خالس بالشو اللى بتعملوه والحاجات اللى بتخض الناس وانتوا بتفرقعوا كنابل والفوتوشوب اللى بتعملوه حلو اوى ، وامنية حياتى يا اونكل ابقى معاكو ، انتوا بجد يا اونكل عملتوا تكدم كامد اوى فى شغل الارهابيين وانا كـ ( ميتو ) منبهر بيكوا ، على فكرة ( ميتو ) ده الدلع بتاعى لكن اسمى الحقيقى ( سوسو ) وانا كمان لما ابقى ارهابى هاغيره واسمى نفسى ( عمور المرعب ) علشان الناس تخاف ويترعبوا منى .
انا عندى فراغ كاتل فى حياتى وخلاس زهقت من الأى باد والأى فون واللاب توب ، والفيس بوك كمان بقيت موش باطيقه خالس ، الحياة بقت اومليت يا اونكل ارهابى .. بليز بقى خدنى عندك وعرفنى على الفريندس بتوعك الأرهابيين الأمامير ونعمل مع بعضينا حبة اكشن احسن من افلام هوليوود .
***
محمد عبدة زيدان
التعليقات