ياساقية الصبح صبّح لفّـــى واروى الغيطان والليل سرسب وروّح كان قاعــد ليــه زمــان والنــور للسعى قــومـوا ...
ياساقية الصبح صبّح
لفّـــى واروى الغيطان
والليل سرسب وروّح
كان قاعــد ليــه زمــان
والنــور للسعى قــومـوا
صحّوا اللى ساح فى نومه
يومنا اللــى جاى ويومــه
للنــوم مافهـــوش مكـــان
هات إيدك فى إيد خواتك
عــوّض كــل اللى فاتــك
وانسى سنين من سكاتك
وسنـــين ذل وهــــوان
هات إيـــدك يالله بـــينا
غاليــة بتـــنده علينـــا
ليهــا زمــان بتنــادينا
والصوت جــوه الودان
هات فاسك جنب فاسي
لجل البس توب مقاسي
من خير أهلى وناسي
مش من خير الجيران
وياصبر اصبر معانا
وخلّي الشمس فى سمانا
مش هنعوز الإعانة
ولا فينا يبات جعان
***
عبد الله نظير
التعليقات