أنا لسه حى وزماني جى والقدس بكره راح تاخدني فـ حضنها وتقول لي أهلاً مرحباً سلامات يا خى يمكن أكون غمّضت على هذ البيوت ...
أنا لسه حى
وزماني جى
والقدس بكره راح تاخدني فـ حضنها
وتقول لي أهلاً مرحباً سلامات يا خى
يمكن أكون غمّضت على هذ البيوت
وقلت لحظة غطرسة
طاطي تفوت
طاطيت براسي خذلت ناسي في السكوت
وسكوتي صبّحني في عين الصهينة
هين ودايب
زى خيط العنكبوت
لكن بقول لك يا وطن
أنا مش حاموت
أنا قد هم الصهيونية بزيها
ولا كل هم الدنيا راح يقدر عليّه
أنا لسه حى
***
أنا حاصحى من نومي فتى
رافض عباية الكلفتة
وحامد يدي في التراب
وابعد عن الزيف والسراب
وراح اسقي قمحي من الندى
أو مـِ السحاب
وما اكلش من قمح المعونة هلفتة
أنا حاصحى من نومي شباب
عيني على آيات الكتاب
مش راح اتوه
وسط التعالب والكلاب
والاقي الوجيعة من الخديعة مغتتة
***
أنا حاصحى من نومي جسور
تِرسي اللي بطّل راح يدور
وسلاحي ما حيبقاش دخان
زى البخور
ناري حتحرق كل نية مبيّتة
***
أنا حصحى من نومي صباح
إيدي على زناد السلاح
جوايا غيرة المعتصم
وجهاد صلاح
لا يحوشني حر الصيف ولا برد الشتا
***
أنا حصحى من نومي نهار
واضرب على الطغيان حصار
واحلف بحرمة مسجدي
ودم الصغار
لاشوف عصابة هرتزل مشتتة
***
أنا حصحى من نومي عنيد
وأدوّقك بأسي الشديد
واحكم عليك بحكم سعد ومن جديد
حكم العدالة ما بقاش جهالة فـ كفّته
***
بالعدل وحده
ساعتها حانصب لك ميزان
والطفل يشهد
ألف مشهد ميت بيان
وبلهجة العبرية يتخرس اللسان
وتقول لي بلسان العرب
حقك علىّ
وما اكنتش اعرف
إنك انت لسه حى
***
أ/ علي نظير هويدي
التعليقات