أنا المصرى أنا الإنسان أنا الإبن اللى عمره ما خان وانا الدم اللى سال يجري عــلى حجــرك طرح بستان وانا اللى هربت مـِ الــض...
أنا المصرى أنا الإنسان أنا الإبن اللى عمره ما خان
وانا الدم اللى سال يجري عــلى حجــرك طرح بستان
وانا اللى هربت مـِ الــضلمه وعدتــلك بعود كبــريت
وانا اللى صنعت من الكلمة سلاح يبهــر ولا العفريت
وانا اللى وقفـــــت اغنيــلك واصليــلك فــى كـــل أدان
وانا اللى حفظت توراتك وإنجيلــك مــــن القـــــــرآن
وانا اللى رسمتلك بكرة فى كام فكـــرة وكام عنوان
وانا اللى طرحت فى التــحرير وانا اللى ندهت بالتغيير
وانا اللى طلبت فى التعــبير بـــحرية قـــلم ولســـــان
وانا اللى ندهتلك سامحى بلاش تمحى اللى بات غلطان
وانا اللى هتفت عَ العسكر وقلتلك طريــق مــــسدود
وانا اللى نزفت واتكســر على دماغى طريق محمــود
وانا الملــعون بتفــــكيره وانا المســـحول فى ماسبيرو
وانا المــحجــوم فى تعــبيره مابين الفــل والإخــوان
وانا اللى لعــبتى بيه تــانى وأجبرتيه يكــون جانى
وانا اللى اتــعد فى الآخــر يا مِـ العسـكر يا إخوانى
وانا المضروب بقــناصة وانا المدبوح قصـــاد ناسه
وانا اللى اتساوى بيا الأرض فـ رابعة أوفى كرداسة
وانا اللى معشتش اكتوبر لكني عانـــيت من النكـــسة
وانا اللى بتحسبيه صابر وقلبي يدوب عرف ينسى
وانا النفس اللى بتشميه وانا العلم اللى نسرك فـيه
وانا اللى فى وقت ما تضميه هتعبرى بيه محيط الجان
وانا اللى مليش فى أحزابك و ابيـــع العمــر على بابك
عشان ماتصيغى فى كتابك قانون للعفو والغــفران
أنا المصرى اللى عمره ماخان أنا إبنك أنا الإنسان
التعليقات