يا عيون ملاها الخوف إمتى هابص واشوف والقلب ليه مقبوض والرمش ليه مطروف والليل لِفين ممدود والصبح مش معروف والحق ناوى يعود ولا ل...
يا عيون ملاها الخوف إمتى هابص واشوف
***
والقلب ليه مقبوض والرمش ليه مطروف
والليل لِفين ممدود والصبح مش معروف
والحق ناوى يعود ولا لسه عنده ظروف
خايف لاكون ممسوس واموت وانا محبوس
بين الجراد والسوس اللى محاوطنى صفوف
راقب بصيص للنــور بيلف لــيه ويدور
والضلمة ليها جــدور بيها الأمان مخطوف
هافضل لإمتى هزيل والحمل فوقي تـقيل
والدمعة منِّى تسـيل فـوق الخدود بالزوف
بحلــم بفــجر جديد نِلبس له لِبس الــعـيد
ما يكـونش فيـه تعـقيـد لوحتى لابس صوف
بحلم بخوفي يروح والباب يبات مفتوح
وارجع يكون لى طموح من غير ما اكون مكسوف
يادمعـة خــدِّك بـاش فمتدبليش بـبـلاش
ده الـعمــر لــو يتعـاش لازم نزيح الخوف
عبد الله نظير
التعليقات