سهوّكة البنات

مصر دى ياخى مليانه مواهب بشكل ( لا يسدقه عكل )   يعنى ( لا يصدقه عقل )   ، بس بما ان الموهبه اللى اقصدها هى سهوّكة البنات فلازم الحروف...


مصر دى ياخى مليانه مواهب بشكل ( لا يسدقه عكل ) يعنى ( لا يصدقه عقل )  ، بس بما ان الموهبه اللى اقصدها هى سهوّكة البنات فلازم الحروف تنتطق بشكل مسهوّك ( كداً كداً ) يعنى ( جدا جدا ) ، وكأن البنت عشان تبان انها كيوت ومن عيلة ودلوعة لازم تتسهوّك وتعيش الدور اوى وخاصة قدام الولاد ، يا خرابى .. ده البنات اللى من النوع ده المفروض يتقلبوا دباديب من كتر السهوّكه ، وتلاقى البت من دول يا اخويا تقول ( بابى و مامى ) ، وتلاقيها اصلا فى البيت صوتها عامل زى الجعوره لما بتبقى جعانه وطبعا بتضرب محشى وفول فى الخباثة ، ولما حد يسألها فطرتى ايه تقوله ( نسكافيه ومولتو ) ، وهى فى البيت بتنزل لغ عمال على بطال لحد ما توصل لمستوى سيد قشطة .
يا هانم يا متسهوّكه انتى وهى .. بصى فى المرايه الصبح اول ما تصحى وانتى شعرك منكوش وشوفى شكلك عامل ازاى ، وما تنسيش وحياة مامتك تبصى على الشنب اللى فى وشك اللى شبه شنب العيال بتوع اعدادى اللى لسه بالغين جديد ، اتلمى بقى وعيشى عيشة اهلك ، وعلى فكرة بقى انتى عمرك ما كنتى كيوت ولا سهوّكتك هتخليكى كيوت ابدا ابدا ، وعشان تعرف البت دى متسوّكه ولا لأ .. هتلاقى الأكونت بتاعها عَ الفيس مليان كلام رومانسيه وحب وصور بنات اجانب ، قال يعنى هى كده بتبعد العين عنها وبتخلى الناس تتوهم ان البت دى من الأخر ومستواها عالى .
ع َ الفيس بقى عمرك ما هتلاقى البت المسهوّكه دى حاطه صورتها ، لأنها لو حطت صورتها .. مش بعيد الفيس بوك يقفلها الاكونت بتاعها ويرميها رمية الكلاب بره الفيس خالص ، لأن محتوى الصورة هيكون غير آمن وبيتسبب فى ارهاب المواطنين ، والبنات دول يا باشا لازم يتحطوا مع بعض فى مكان لوحديهم ونحاول نعالجهم عشان ما يأذوش حد غيرهم ، لأن البلد مش ناقصه سهوّكة ومياصة ومُحن .. كفايه اللى احنا فيه لأن المرارة خلاص مبقيتش مستحمله .
اللى يغيظك بقى اكتر لما تشوفها ماشيه فى الشارع وبتحاول تعمل فيها عارضة ازياء بيبقى شكلها تييييت اخر حاجه ، والمشكله بقى الأكبر واللى تخلّى عند الواحد اكتئاب من النوع التقيل لما تلاقى الواد صاحبها مصدق ان حضرتها دلوعه وبنت ناس عاليين اوى وانها رقيقه جدا بطبعها ، يا ابنى دانت لو رجعت لتاريخها هتلاقى مليان حاجات ضد الرقة تماما ، والرقه لو بتتكلم كانت قالت احيييه بعلو الصوت ، ده اللى بتعمله البت اللى من النوع ده لايطلق عليه سوى كلمة مُحن ، ( توب علينا يا رب من مُحن وسهوّكة البنات ).





                                 اقرأ ايضا : النهارده عيد ميلادى
                                               ***
                                        محمد عبدة زيدان

التعليقات

الاسم

آداب وفنون,121,الأسرة,9,الصحة والجمال,97,ضوضاء,37,طبيبك الخاص,107,عالم المنوعات,27,علوم وتكنولوجيا,40,غرائب وطرائف,34,كيف,11,
rtl
item
معلوماتك تغير حياتك: سهوّكة البنات
سهوّكة البنات
http://1.bp.blogspot.com/-QZfhaxil_F8/VLSPZ4BawEI/AAAAAAAABn0/ZzpZ2iALXiQ/s1600/funny-girls2.jpg
http://1.bp.blogspot.com/-QZfhaxil_F8/VLSPZ4BawEI/AAAAAAAABn0/ZzpZ2iALXiQ/s72-c/funny-girls2.jpg
معلوماتك تغير حياتك
http://www.ma3lomatk.com/2015/01/Girls-Qt.html
http://www.ma3lomatk.com/
http://www.ma3lomatk.com/
http://www.ma3lomatk.com/2015/01/Girls-Qt.html
true
35646391040827467
UTF-8
Loaded All Posts لا يوجد منشورات إظهر الكل إقرأ/ي المزيد قم بالرد إلغي الرد إحذف بواسطة الرئيسية الصفحات المنشورات إظهر الكل ينصح به تصنيف الأرشيف إبحث كل المنشورات لا يوجد المنشور المطلوب إرجع للرئيسية الأحد الإثنين الثلاثاء الأربعاء الخميس الجمعة السبت الأحد الإثنين الثلاثاء الأربعاء الخميس الجمعة السبت يناير فبراير مارس إبريل مايو يونيو يوليو أغسطس سبتمبر أكتوبر نوفمبر ديسمبر يناير فبراير مارس إبريل مايو يونيو يوليو أغسطس سبتمبر أكتوبر نوفمبر ديسمبر حالا منذ دقيقة $$1$$ minutes ago منذ ساعة $$1$$ hours ago البارحة $$1$$ days ago $$1$$ weeks ago منذ أكثر من 5 أسابيع المتابعين تابعنا THIS CONTENT IS PREMIUM برجاء المشاركة Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy