زى ما قالوا | معلوماتك تغير حياتك

زى ما قالوا

واهو زى ما قالوا  العلم مسيره هيكشف سر الدربندوح  والعلم بقاله سنين مفشوخ  في معامله بكومة ع...

زى ما قالوا

واهو زى ما قالوا

 العلم مسيره هيكشف سر الدربندوح
 والعلم بقاله سنين مفشوخ
 في معامله بكومة علمائه وعالماته
 بيتعاملوا وبيلف يلف لحد ما أصبح أستاذ لف
 ويشرب كل نتايج يأسه وفشله يدوخ
مش عارف يثبت ولا ينفي الغيب المجهول
 اللي بيظرف بحقايقه وعلاماته
 يركّع من علا في العلم ومن ماتوا
 ومستلم اخوانا البعدا العلما
 الفراتيك الفراقيع الشماريخ
 اللي من البيت للمعمل
 للاستوديو بتاع هوليودهم
 يا جماله وهو بيثبت في خياله
 اللي بيحلاله غلط أو صح
وينفي كتير عن أجياله
 الحرة الحرية الإسمية الكلامية
وبص بعين مش مَغْرِيَة
 تشوف أسرار متعرية
 وحقايق وهم وملوخية
 تلاقي العملية ان الأجيال الحرة
وأهل العلم وسوبرمان
 والحامي لأرض التركستان
وصحاب الفن وكل جديد
غارزين في أصول العبودية
ومتاكلين كرابيج في مخاخهم
 أسخم من كرابيج سودانية
 بهايم تعجز عن تغطية حق الله
في الكون وبتاعه اننا نتعرف على إبداعه
 وننسب كل حقيقة إليه
 ولو نعجز نعلن أكتر إننا خاضعين ليه
 كاشفين أسرار الكون أو مش كاشفين
 ونبطل نعمل فيها سيادة البيه
 الفهامة الأمريكي الخرم العلّامة
اللي محور عجزه في كون الله
لبطولة وفهم واكم 
 من خُرس وعمى وصم مصدّقة
 كل كلامهم على أفلامهم ويقول آه
 دول عالم كارثة
وفاهمين كل القصة
 وبكره يخلوا الأعاصير الكونية
بتكة زر جهاز الطاقة اللي بيتهبب
 يعمل قال مش عارف إيه
وكإن الكون خدّام أهاليهم
وظّفه ليهم أمريكي بيه
أو عامل بالأجرة اليومية 
واهو زى ما قالوا
العلم مآله لإيد نصابة حبرتيّة
الخير تعجن منه عجينة شر
وحلاوة الفن يخلّوها مر
وأصول العلم يدمروا بيها
شعوب منهوكة وملهيّة
ماكانوش حبة علم على معارف 
خلو الإنسان يتغر فـ روحه
وقصره الشامخ مش أكتر من حتة كوخ
والعلم صبح فنكوش مهبوش 
تخاريف أفلام عمالة تبوخ
وقليّل جداً لو تصدف في نزيه وأمين
أو تعرف واحد منصف ويدلك عَ الحق منين
العلم اللي بيكشف لينا كتير مكشوف 
والجرأة على الكشف في أهله مهيش أكتر رَجْف الخوف
والحد الوسط اللي يدلك على حجم العجز
تايه أو مسجون ساجنينه فـ أخبث لغز
وتجارة المعلومة الرايجة بستعبد في شعوب
مرضك وشفائك بقى سر وحقك مسلوب
ليك حصة فقيرة من المعرفة ما تخطّيش عنها 
وإلا وقعت فإيد مجحفة باعت وجدانها 
خد علمك بإيديك وضوافرك واحفر في الصخر
واوعاك يتغرر بيك ان انت عليم الدهر
كلنا بني آم فوق منه القهار بالقهر
كلنا على فقر وهو الغني وكنوزه تسر
ليك كنز العلم اللي محندق على قد العمر 
ليك وسع وجهد وطاقة وفضك من أوهام هوليود
دي بنود مدروسة ومدسوسة بأوسخها نفوخ
حرباية بتدي لعتمة عجز بياض القوة 
والعلم مافهش مروّة يحاوط كون الله تسطير
وخادمهم فن ضرب في قلوب العالم مواسير أساطير
والمصلوب عوده المخترع الفزلوك مخروع مشروخ
ولا يقدر من هنا ولغاية يوم الدين يعبر برزخ مقفول
أبو علم جهول البيه النجم ومعبود الجماهير 
متأله مع إنه يدوبك واحد بينجّم مأفول من كل الأنحاء
وواقف مشلول اللي مخليينه فـ أفلامهم عدّاء سبّاق
عاملينه الغنى علمياً وهو يدوب علمه مرقّع جربوع
شوف يابني اللي بيمدح روحه بأى طريقة
ملهوش قيمة فـ أى حقيقة وهى دقيقة
يكون زلزال رباني بإعصار غيب
تلقى طبيب الأرض مريض 
عاجز ولا بيودي ولا بيجيب
وبألف رصاصة خوف مطخوخ
مجبور ومالهش حساب متقيّد جبر وملبوخ
كما غصن الخوخ اما يحطّب ويطيح في الريح
نشفان متمطوح ومالهش قصاد الريح ديّة
واهو زى ما قالوا اللي مايعرفش
بياخد كل العالم قفش 
أمانة فإيد غلبانة صيانة لابد تغش 
وينزل قَش فـ ملك الدنيا ويهلك نار على قَش
ومسير الكداب يوم يتنش من السماوات 
هتمطّر كون المولى آيات تنسف وتحش
رقاب اللي ما يعرفش غير التحريف 
ابو دم خفيف اللي ممرر ريق اليسر
 ومرر عسر فـ وسط الحكايات 
المسموعة والمقرية والمرئية المرقية 
برقوة شياطين السبل السبل السفلية 
واهو زى ما قالوا 
إللي شيطانه بقاله العم وحل محل الأب
وقيمة الأم وأصبح صاحبه واخوه ومراته وخاله 
ده إيه يبقاله وجبل الحق ما شاله 
وخلا مشاله وحمله وحاله فـ وزن وقيّة
فسد الحرمة قلبها لراجل خلا الراجل 
بيعة وآجل ومالوش سعر وقلبه وليّة
خروف وبليّة فـ ناس مبليّة بحب الدِهن
خلا الذهن مخور أفكار واللي يخور يدبل ينهار
يزرعه ليل ويقلّع توب أخلاقه نهار 
صبحت ملايين ملهاش ولا دين 
ولا طايلة الدنيا تعيشها بطعم الحرية 
اللي بتخلع ملط وتشرح لك صدرك 
ترتاح تطمّن وتآمن عَ الآخر جداً وما تجزع
تستعجلها تطير تجريلها بتمزع سُترة صبرك
علشان تفتح لك سجن العادة وكل عبادة 
تعيش كالسادة مالكش سلاسل عصبية
فتضمك ضمّة تغوص في متاهة عبودية 
واهو زى ما قالوا 
اللي بيصفاله الغين بيكون رجلين 
يدوب قادرين عَ الخطوة بأضعف حيل
موحول في السيل ويدوبك يخلَى يبص بعين 
عَ النقطة البحر اللي انفرطت خرّقت الخَرْق 
كل الخلق الثابت منهم واللي بيهوِي
 مُستضعف أو مستقوي فايق كان أو ملهي
الكل بينجرّ ساعتها فـ موجة غضبة وإلهيّة
ماهو أصل اللي ما يعرفش يقول العلم 
عمل لك فيلم حشاه بالحلم ان الإنسان 
كل الإنسان يصبح من جُند الشيطان 
قال إيه علشان يتعاركوا مع القدرة العلوية !
طب سدوا ان كنتوا بشر أو جن وخليكوا ضده
وهدّوا قانون دوران الأرض فـ مجهولها 
والجدع اللي يقولها ويعملها
 هجيب الشمس من المغرب 
بفتاكة القدرة العلمية
من تاني الملّة الحنيفية 
ان صنم العلم هيقدر ينطق كلمة 
بجسمه المدغدغ عن قربه من الشمس
يقولها انشالله بهمس ومن غير ما يقرّب
من تاني على الصفحة البيضة بنكتبها 
بأوضح خط وننده بيها بأعلى الحِس
لسه البشر العجزة بتدرس في حياة النملة 
ومفيش في دماغ الإنسان المعلومة الكاملة
والمؤمن بس لوحده العاقل فيهم 
مش علشان أقوى ولا بيستقوى بنفسه عليهم
علشان بس ميزانه فـ قلبه مقدّر عقله موسطن صُلبه
ووازن قيمة العقل وبميزان وسطي وعدل
معاه ومصاحبه لكنه كمان بيحدّله حدّه 
معاه مش ضده ومعترف انه رهين النقص 
وانه الجزء الأصغر في شمول الكون بالكلية 
وان اللي اتهجّم على سر الروح 
مجرّد لوح وخط عليه إبليس تخطيطه وتخبيطه 
وجلبة خطه  وفزّة وسوسته ورطّه 
وشاله وحطه لحد ما قسمه شتات مفلوخ
العلم فـ إيد إبليس الإنس
سديم ورديم وعديم وضلام مش شمس 
وكلام عن سر الدربندوخ

***

محمد مرشد  

التعليقات

.
الاسم

آداب وفنون الأسرة الصحة والجمال ضوضاء طبيبك الخاص عالم المنوعات علوم وتكنولوجيا غرائب وطرائف كيف
false
rtl
item
معلوماتك تغير حياتك: زى ما قالوا
زى ما قالوا
http://1.bp.blogspot.com/-Bl7Y2nSj_hA/VE97kOvAbBI/AAAAAAAADN8/Oopa6xNRKR8/s1600/%D8%A7%D9%84%D8%B9%D9%84%D9%85.jpg
http://1.bp.blogspot.com/-Bl7Y2nSj_hA/VE97kOvAbBI/AAAAAAAADN8/Oopa6xNRKR8/s72-c/%D8%A7%D9%84%D8%B9%D9%84%D9%85.jpg
معلوماتك تغير حياتك
http://www.ma3lomatk.com/2014/10/They-also-said.html
http://www.ma3lomatk.com/
http://www.ma3lomatk.com/
http://www.ma3lomatk.com/2014/10/They-also-said.html
true
35646391040827467
UTF-8
لا يوجد إي منشورات شاهد الكل إقرأ المزيد الرد إلغاء الرد حذف بواسطة الصفحة الرئيسية الصفحات المقالات View All ننصحك بمشاهدة هذه المقالات LABEL الأرشيف SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy