العكاك | معلوماتك تغير حياتك

العكاك

العكاك كله بيتعك شوف جسمه وشغّل فهمك  وده مثلاً أصلاً مضروب لك في كتابك إذ أُنزِل لك  بيع...


أبطال هوليود

العكاك كله بيتعك

شوف جسمه وشغّل فهمك
 وده مثلاً أصلاً مضروب لك
في كتابك إذ أُنزِل لك

 بيعلم على صنف نفاق

ويحذّر منه ان عجبك
 وده صنف وأصنافهم ياما
 وما اكترهم أشهرهم صنف بيتّك
 منداس يعني ومرخي هزيل
 زى السراويل من غير أستك
وده صنف ذليل وديله طويل
 خبيث وعليل ومالهش دليل
 وتقيل عَ القلب الصاحي المؤمن
 زى الأتب المزمن زى الحِيل
 من قطران نفسه بيتبك
 بيتمزّع يعني ويتمك
 بيتمصمص يعني ويهلك
 وتتزفّت روحه وتتهك
بتتهدّم يعني ويُنهَك
 تبقى خرابة وأحلك من قبر الكفر
 وقلب شيطانه الاسود أحلك وحلك
 وده علمياً ومهيش إنشا ولك فـ لك

 وخد أمثال مِـ الآخر جنسياً شاذة

 وشوف أصحابها بكل المستويات
 تلقاهم مكنة وكل ما فيها اتفك
اتخربش واتجرّح وابقى قابلني
 ان لمّها تاني خبير وعالجها
 وخلى مزيجها مقرّب حتى لحالها الأول
 أو يشبه له ولو في إيدينه اجعصها مفك

 جلد مكرمش

 وضوافر شيبسي وبتقرمش
 والشَّعر القش اللي معشش
 في شقوق فروة مخ جدوره ديدان ما تبان
 ترويها السبغة ام الألوان
وتسمّن فيها وتعلف كيميا العن من أى شيطان
 تحرق وتبيد في خلايا وتمنع يطلع غيرها جديد
 وتسلّم قرعة ضعيفة وخِرعة لسوق الصنعة
 تروح كوافير مشتري من مصنع
ألف باروكة بقرش يبيعها بمليار قرش
وتفضل عايشة القرعة بتحلم
بشوية فكة يفكوها يودوها لحد المستشفى
 اللي قالولها عليه يزرع لها قال إيه
 كام شعرة وتاني كيماوي
 مصنّعهم برضو الملعون
 اللي بيمرضها وذايع كام إعلان وحكاوي
 وهى يا عيني القرعة تظن
 ملايكة ربها جت تنجدها
 لكنّ مفيش في فلوس
 تتفتّح بيها ورود الحل
وترسى على النفساني التاني
 اللي مجهز فناطيس من كيميا
مصنعهم برضو الزفت
 اللي احنا شاورنا عليه
 إشي شُرب وأبصر إيه ما ادرك والله يهدّيها
 وأقراص عقاقير
 وحاجات تترش رزاز بيطير
في الجو يخلي النفس تفس
 حاجات بيقولوا عليها بتتحكم في شعور أو حِس
 بتلبد جوه العقل الباطن ملهاش حِس
وتفضل تدي أوامر يأس
 لصاحبة قرعة انها معيوبة وكلها نقص
 وواخدة مقص فـ أُس أنوثة تزيينها
 ولو تقلها ماس هيشينها الكام شعراية
 اللي اتدمّروا تدمير عن ابوه
 ويا خلق ياهوه القرعة بتسأل عن دكتور
 على قد فلوسها ويطلع غالي
 تبوسها الناس بعنين الشفقة
 تحس بروحها زبالة وهفأه
 وبرضو ده كله ياريتها هتعرف معنى المصنع
 أو يوم تقرف منه اترجّع نار الكيميا
وتشتري جنة زهر الدنيا بدون ما هتدفع
 ولا حد يفاصل تسعيره فـ أيام غيره
 وناس علشان المال تتلكك للي بيفرك
غرضه فـ مرضه يتاجر بيه
 اكّمن عليه علامات البؤس
 ومستعجل يتفك النحس ويتفرتك

دوامة أكم مَن دوّى ومات

 ولا طال الدوى وعلا في الخلق نداه بالآه
 وعلا واهو مات من غير علامات
 تنفع جيل غرقان تضليل
وفـ ليل السوق السوده بيتشلبك
 ده الشَّعر وبس واديك شايف
 أهو كله فـ كله بيتلعبك
ودواير سِم وناس بتإم الناس في الدم
 وتسرق ناس مسروقة وهى فـ بطن الأم
 اللي مولّدها بشق البطن
 النيلة اللي احنا حكينا عليه
إبليس المصنع إللي بيقفل
 فيك على كيفه ويفتح

 قيس تهييس الرغى ده كله هتلقاك ضِلُّه

وهو الأصل وخد كام فصل
وجرب تنقح نفسك نظرة
 فـ عيب مش سايبك صايبك ولازق لك
 من يومك شايفه بيتطور وبيكبر وانت تخس
 وهو يزيد يتخن ويدملك حاول تِملك عقلك
 مرة من اللي خدوه ودّوه المدبح

وان كنت اقدر أشرح أكتر كنت هطوّل

 بس كلامي هتلقاه سادة وزى الخمرة
 اما بيشربها المدمن سِك
 وديّه فضايح وكلام ناقح
 وما ينفعش نقصقص منه
 اكمنه علوم بحتة ويقينية
 ومافيهاش أدنى خيال أو شك
 وتلقى كلام تصريح توضيح إحصاء بنّاء
 ودقيق وعميق وتلاحظ من أرقامه ومن ترتيبه
 فْـ كل حروفه ما تلقاش نقص فـ أى حقيقة
ولا فيه زيادة ما تلقاش لغز
ورمز بعُقَدُه يعز النغز
 فـ قدرة عقلك عَ التحليل والفهم
لكل كلام اتغرّب شذ
ومن غير داعي ولا تحقيق

زى كلام البيه الشاعر لما يحب يحك

 فـ ريحة العظمة وقول الكلمة بطعم الحكمة
فيسيب جهله لغيره يشله
فـ كام ترميزة يعله يمله يضله
وكله غباء واوهام وتشوّش
 كله سخافة ان جيت تنقدها
 يقولك مالك دىّ ثقافة
 وقال إيه معانيه فـ الكِرش الشاعر
 لابدة فـ جوفه
ولما طفحها لفحها بجبنه ولفها خوفه
 دهنها بزيفه لتعرف إنه عويل وسئيل
 وبيعبد جهله وبروح أهله اللي ما يستاهلوا
 فاكر لما يقول بؤين
 الناس هتحج وبالملايين لقداسة شعره
 وحوالين كعبة حقده يلفوا يلبّوا
 بأنغام رمزه يطوفوا

 ورأيي انصحهم لو ليه ناس جاعلينه طموحهم

 بعد ما يدهنوا روحهم دوكو يدوكوا
 فـ بعض وبعد ما يبقوا فـ وضع سودوكو
 وجاهزين زى ديوك كوكو كوكو
بخفة دم وهم شكوكو
 بأعلى شخير في شهيق وزفير
 حسب الطقس الأنوى السنّى
لطوطم آخر سكة فـ كوكب غانا
 يلفوا القدس الشعري بتاعه
وفي الطَوَفان الذكر الأعظم
 زى ما قلنا لرابع فرخة
 فـ عشة صنم اللغز الفصي
 لكل بطين اتشفّر جنسه ولونه فـ غانا
 اشخروا وانطروا وان على قفا بعضيكم
 قبل ما هتعضوا فـ أياديكم
وانتوا يتحشوها فـ ودنيكم
أحشروا زوركم جوه إيديكم
واذكروا أجمل شاعر ليكم
حسب الذكر الأعظم زى ما قلنا لدين أهاليكم :

هوهو هو بلك بلك ،

 بلك بلك بلك بلك ،
سكنا أكتر إنت الأشطر ،
 دك مخاخنا وسكها سَك ،
 إحنا معيزك سِك سك سك ،
 قول ألاغيزك زغزغ حيّر طرقع طك ،
 بلك بلك بلك بلك ،
 إحنا البقر اللي بتتدك ،
 قولها ركيكية نشوفها فكيكة ،
 جملة كسيحة أو بتزك ،
 هوهو هو بلك بلك ،
 بلك بلك بلك بلك ،
 إحنا المخ السليكون لك ،
 لك وحدك لك وحدك ،
 مهما هتعمل لينا بلوك ،
 شِت شِت شَت رِك رِك رَك ،
شِت عقولنا وفِت أصولنا ،
 إمسخ راقى ملاكنا لغولنا ،
 واللي رقيقة تاريخها عميقة ،
 شوّه توّه قولها ركيكة ،
 رِك رك رك رِك رك رك ،
رِك اللغة والدين والدنيا ،
 شِت ارواحنا اعمل لها فونيا ،
 شِت شت شت رِك رك رك ،
 هوهو هو بلك بلك ،
 بلك بلك بلك بلك ،
 هو نو عو أو زريبو ،
خلي فرانكو العرب الجو ،
 ياخدوا العلم بسرعة زِو ،
     يركب غلط الصح وحِو  ،
 شي للصح امشي deck deck 
  مِـ الورّاق ولغاية  puk
 ،عَوْلِم فوضى وحكّم puck   
   يؤمر إن Satan ده مَلَك
 يعظّم أقصى الشرق إسمك  
يصبح فيلهم فِـ إيديك Duck  
    وان حبيت يزنيهم Buck
  مستنسخ من أصغر dick 
  مجاني ما تدفعش Franc 
 ضنّكنا وضنّك أخلاقنا
done أرجوك بزيادة زهقنا 
 done done done 
 done done done 
ضنّك لينا بحار الفن
دندن زَن كما اللي اتجن
 دندن واحنا نردد done  
ضنّك لينا علوم بظنون
كون ضنّيك لينا وللكون
واعجن عقل صبح معجون
جنه بإنس وإنسه بجن
يشرخ رمزك فيه 100 جون
كل ما يعقل بيك يتجن
ماهو خد فى خلاها الـ عن
زال الـ عَلى وخَرَف في الـ مِن
وعدم هو لدنية هُن
 done done done 

 done done done 


العكاك أوشك أوشك

يلبس كل العالم Fuck
فَك الوِلْد من امه وابوه
هدرج أكل وسرطن عقل
والإنسان بقوا بيسِمّوه
في دينه فـ ماله بألعن شكل
واتنسى فضل الناس على بعض 
غابة بقينا وأشرس من كل الأنياب
نابنا الجارح إللي ما نابنا هدى وياه
ركز مش هافرح منك باللأّه ولا هظأطط بالآه
ماتصدقش بسرعة العالم كله اتعير 
حقق دقق وافلق راس العلم سؤال 
قبل ما ترضى بأى إجابة وبص وراه
من بيدعّم معمل بحثه 
ومين مسؤول عن شهرة كل نتايجه
ركز إيه اللي بيخفوه
 هيبان في اللي بيبينوه
والتوقيت رشدك وهداك 
فسد العالم إوعى تخل عشان ماتّوه
ركز في التركيز النعمة
ما تستعجلش العجلة النقمة 
إبحث وافحص وادرس أكتر
زيك زييهم بس جهاد هو الفيصل
تكبر في السن مع الأبحاث 
يصغروا قدّام منك صُغر ذليل
تطفى المشاهير المغاوير العالة
وتصبح قادر تثبت تنفي وتبهر
ودي سكة مشيها العظماء 
إللي اتقتلوا لكن عايشين 
واللي اتسطلوا وخدّروا روحم
خوف من إيد تضرب وتزيحهم 
كون الأجدر واصبر واصبر
الأيام حلوة ما يتعوضش فواتها 
قضي العمر ونخور عَ المعلومة وهاتها 
ما تسيبش الأندال ينتشروا وتفضل ساكت 
يكتموا نفس العلم الحق ويطلقوا أباطيل
قادر يوم هتزيل القبح وتنشر كل جميل 
قادر تنسف صاحب مصنع كل خراب 
وتنشىء مصنع يرتع فيه تعمير يتهاب 
ما تسلمش الكون للظلمة 
يفسدوا ناس سكتهم ضلمة 
حاجبين عنهم نور ودراية 
وقفلوا فـ العقل اعظم أبواب
فتش وانتش منهم كل القيمة 
تصبح ليك وتصون ما تخون
كل جديدة وكل قديمة علوم وفنون 
والبشرية تفيدها أمانتك 
تبقى نضيف الدين والدنيا 
طاهر جسم سليم النية 
مالك عدل وخير بالجهد
وانفش عن قلبك من وسخ روحه 
وشَد الناس لطريق مقفول ومنين ما يروحوا
من غير شعر ووزن وقافية وحشو بلاغة 
أنا باختم لك كل كلامي بأبسط قول 
مش محتاجة نفزلك قولنا كا المخبول
ونعمل جوه عقول الخلق شتات أو غاغة 
إسند روحك والزم كل بسيط في الكون
صاحب كان أو أب حنون 
أو صاحب علم وهيدلك 
إلزمه عمرك خليه ضِلّك 
بكره الدنيا يبان لها خير 
من اللي بيدرس واللي يعلم 
أهله طريق النور وان عجبك 
كل كلامي اعمل ميت شير 
وادعى المولى ناخد حسنات
عَ النصح فـ كل الكلمات
عرضت عليك أمثال فيه غيرها
دور واتأمّل حللها اعرف أغوارها 
والأغوار يعني الأسرار المدفونة
أو مركونة فـ عمق بعيد 
بكره العالم والله هيفرح بالخيرات
ده وعد الله في كتابه عن الساعة
وفي السنة تلاقي بشاير خير مالية العلامات 
وجاية الساعة اللي هيتحدد فيها كل اللي فات
إللي عايش واللي ميّتواللي لسه فـ جسمه الروح
إدرس عربي يا أجمل عربي 
والغربي اتواصل واتعرف 
على كل جوانبه بدون ما تخرّف
وتزيّف أى هوية تخصك 
ولا تخص الآخر أيّاً كان 
أمة إسلامنا اتكرم ناسها عشان الرحمة
مجعلولة كل العلمين 
وان قصّرنا فـ نشر رسالة ونشر الدين
هنكون ألعن من كل الملاعين 
حلو سلامنا وعالي مقامنا 
ونفسنا كل الناس تتواصل مع أيامنا 
ولا نتكبّر يوم على خلق الله 
ونمشي برحمة فـ مُلك عريض 
لانّافق ولا نإذي برائة 
ونخدّم على أهل الحاجة 
والجاجة مهيش مال وهدوم أو أكل
الحاجة بأشكال ما تعدّش 
وحاجات الشر ما بتونّش
معركة أزلّة ما بين الخير والشر
من شعر الإنسان لسنانه 
لدينه لعقله قاعد له شطانه
واحد جن وواحد إنس
ومليار لص اتفقوا على التخريب 
فتقف واقفة راجل نفعه
يكسي العالم قيمة رفعه
تكسب كل ثواب اتبعوا
النور الرباني على إيديك
وتبيّن شر التنوير الشيطاني الخدّاع
إللي حقيقته ضلام وبيدعي بصيغة النور
وهو مجهز سور وجسور ومتاهة 
ودجّال أعور زى جميع اللي اتبعوه
جزء حقيقة و 99 جزء مشلبك 
فخ يشك لحد نخاع الحق تشكك
في اللي يقينه عنينه منورة عمرك كله
ركز خدعة كبيرة العالم أهله حواهم 
حاويينها حواه على سحرة وفجرة 
وكفرة هواهم يتعبد الشيطان وبكل طريقة
بالموضة وبالعلم وبنظام المال العولمجي 
ركز حارب إبليس خارب دين على دنيا
الناس متاخدة واخدهم كل إمام للنار
عايش يدعي الناس بخباثة عشان يجحمهم 
عيش وافحمهم خلي يقينك إنك قادر 
تهزم غادر بالإنسان
وقادر بايع فوقان روحه لسجن الجان
وتفكك أعمال سرية 
وتفضحها فـ نور العلنية
وكل ما يعقد شر تفكك
واما يطلسم خطة تفرتك
إصحى وإلا انياب تكلك
إوعى تفوته مهوش فايتك

***
محمد مرشد

التعليقات

.
الاسم

آداب وفنون الأسرة الصحة والجمال ضوضاء طبيبك الخاص عالم المنوعات علوم وتكنولوجيا غرائب وطرائف كيف
false
rtl
item
معلوماتك تغير حياتك: العكاك
العكاك
http://4.bp.blogspot.com/-1VpQ23TmcFM/VFDoZDUkglI/AAAAAAAADOc/g8fJjcPMUEo/s1600/%D8%A7%D9%84%D8%B9%D9%83%D8%A7%D9%83.jpg
http://4.bp.blogspot.com/-1VpQ23TmcFM/VFDoZDUkglI/AAAAAAAADOc/g8fJjcPMUEo/s72-c/%D8%A7%D9%84%D8%B9%D9%83%D8%A7%D9%83.jpg
معلوماتك تغير حياتك
http://www.ma3lomatk.com/2014/10/Dirty.html
http://www.ma3lomatk.com/
http://www.ma3lomatk.com/
http://www.ma3lomatk.com/2014/10/Dirty.html
true
35646391040827467
UTF-8
لا يوجد إي منشورات شاهد الكل إقرأ المزيد الرد إلغاء الرد حذف بواسطة الصفحة الرئيسية الصفحات المقالات View All ننصحك بمشاهدة هذه المقالات LABEL الأرشيف SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy