مادام بتعرف سكتك مين يمنعك مين يوجعك مين اللي ناره من جداره حتلسعك مين اللي تنساه يعينك يدفعك أو ينفعك مين اللي يق...
مادام بتعرف سكتك
مين يمنعك
مين يوجعك
مين اللي ناره من جداره حتلسعك
مين اللي تنساه يعينك يدفعك
أو ينفعك
مين اللي يقدر لو نطقت يسكتك
مادام بتعرف سكتك
مادام بتحلم بالحياة بعد الحياة
شايف الشهادة هى الأمل
طوق النجاة
واثق بأن العمر من عند الإله
يا إما نصره يا إما حتنول وقتها
فرحة لقاه
حتهون في عينك دنيتك من مال وجاه
ما تساوي وزن جناح بعوضة فـ كفّتك
مين اللي يقدر لو نطقت يسكتك
مادام بتعرف سكتك
***
مادام بيغلبك القدر ما تِغلِبوش
حقك بيدك غلّبه وما تغلبوش
لو شفت يوم الزور غلب ما تغلّبوش
تغلب شارون وفـ قلب غُلبه حيغلي بوش
ملعون عيال الصهينة
في القرصنة فاقوا الوحوش
هدموا الحجر عدموا البشر
قلعوا الشجر حرقوا العشوش
حتى الأجنة في البطون
من بطشهم ما بيسلموش
إذا كانوا قتلوا الأنبياء
بالمعجزات وما صدقوش
إزاى تصدق عهدهم
وفـ عرفهم ما بيعرفوش
إلا الصلف والعربدة
صوت الندامة بيسمعوش
واللي تربى فـ حضنهم
إزاى حيعدل أو يحوش
والصهيونية محزماه
وملجماه زى الجحوش
ربك لعنهم في الكتاب
واكمنهم ما بينتهوش
مطلوب تملي لعنهم
مع ضربهم فوق الوشوش
علشان ما يحترموك
ويسمعوا كلمتك
لابد توجعهم بوخزة شكتك
وما حد يقدر لو نطقت يسكتك
يا ابن العرب بزيادة نوم
أرضك زرعتها بالهموم
جدبت ما بتشوفش المطر
وسماك ملبدة بالغيوم
وكل ما اشتد العطش تمطر جدل
كل العيون متطلعة لنور الأمل
وعنيك مغميها الفشل
كل الإيدين مقوية بروح العمل
وإيديك مكتفها الكسل
صحصح وفوق فض الخلاف
خلص دراعك مـِ الكتاف
بص اللي عاوزين يدبحوك
دبح الخراف
حطوك وليمة لعرسهم
ليلة الزفاف
إنهض وحرر كلمتك
علِّي الهتاف
الله أكبر منهم
بطل تخاف
ده العمر واحد في الميدان
تحت اللحاف
إنهض في عمرك قبل زحف منيّتك
إنهض في عمرك وانتصر لقضيتك
إنهض وقول الحق
واعرف سكتك
وما حد يقدر لو نطقت يسكتك
***
أ/ علي نظير هويدي
التعليقات