كل الحكاية كلميتن الحق مين والحق فين مكتوب على جناح السنين الحق قوة عزم ومروة شامخ في عين الباطل وحيفضل فتوة ...
كل الحكاية كلميتن
الحق مين
والحق فين
مكتوب على جناح السنين
الحق قوة
عزم ومروة
شامخ في عين الباطل
وحيفضل فتوة
لا يطاطي راسه فـ يوم
ولا يغض الجبين
***
الحق عمره ما يبقى عالة
ولا كوم زبالة
معدود في وسط الخلق
من ضمن العمالة
وهو لعبة
ما بين إيدين الزبالين
***
والحق عمره ما يبقى تخمة
وطاحونة ضخمة
تطحن وتعصر عضم
كل ضعيف وزحمة
تغسل إيد الخرتيت
بدم الشقيانين
***
والحق عمره ما كان رزية
ولا بلطجية
تزرع في قدام كل بيت
سجرة أذية
وتقيد لهيب الذعر
وسط الطيبين
***
والحق عمره ما كان تواكل دروشة
ولا غلوشة
ولا ريح بخور وصوت طبول
وهلوسة
فيها الدجل سوق الأمل
واتباع في سوق الدجالين
***
والحق عمره ما كان خداع
ولا حلم ضاع
ولا كل يد بتبني
تتألم وجاع
والإحترام يبات في يد الخطافين
***
والحق عمره ما كان نفاق
ولا كدب فاق
ولا هز وسط في كل
شارع أو زقاق
لما اتخطف تاج الشريف
بقى فوق جبين الرقاصين
والحق عمره ما كان فضايح
ولا بغى طايح
قلع سواقي الأرض
وزرعها مسارح
مثل عليها الكدب
وسط الكدابين
***
مثل عليها رقصة
للفلاح بيزرع
والناس في كل مكان
تتفرج وتسمع
مستنيين القمح حينبت ويطلع
على خشبة المسرح
وهما مصدقين
***
والغلة ما تزرعش
وما دارش البابور
وبخيتة وام الخير
كسرت المجور
وطلعت لفرن العيش
وقفت في الطابور
تاخد معونة القمح
من يد المعين
***
ومثل عليها الحرب
زى ما في الرواية
ما بقاش يدور الضرب
في ميدان الرماية
مستني بشرة نصر
من حضن الصباية
إللي فوق المسرح
يرقصوا عريانين
***
والحق مش تخطيط
وعمل كل حيلة
ولا أساليب التبشير
لدعاوى هزيلة
يتساوى فيها بين
الفضيلة والرزيلة
فيها الشذوذ يجور
غصبن عن كل دين
***
يتساوى فيها بين
السواك وبين اللواط
يتساوى فيها بين
الشموخ والإنحطاط
وأهل الضلال واللي
في كنفهم شعر باط
بيبشروا بقدومها
وسط المسلمين
وانا قبل ما انسى
قي عندي لسه كلمتين
الحق مين
الحق فين
***
أ/ علي نظير هويدي
التعليقات