نسيم العشق بيطيّر قلوب ووشوش ورمل البحر متجمد ما راضى يبوش ووشك لسه بيداري لأسرارك وأسراري وإصرارك وإصراري طلع مغشوش يهيج الموج على ال...
نسيم العشق بيطيّر قلوب ووشوش
ورمل البحر متجمد ما راضى يبوش
ووشك لسه بيداري لأسرارك وأسراري
وإصرارك وإصراري طلع مغشوش
يهيج الموج على الرملة يحاوط صورتك الكاملة
يبل الطرحة بالميه تدارى الميه بالشاملة
أحط إيديكى فى إيديا كذا مرة ما يتحطّوش
أجيبلك دبلة محفورة بحروفك جنبهم صورة
رسمهالك زمان واحنا بنتساوى فـ ملامحنا
وإيدى مزوّقة شعرك وبتغنّي بكلام شعرك
وسحرك فى المكان فاضل يا بنت الحر والفاضل
جمالك لما بفتكره أشوف إيه اللى فيه فاضل
بلاقي العقد والطرحة وريحة ميّتى المالحة
ودمعة مسرسبة وسارحة فى وش بشوش
بشوش فى ملامحه وطباعه وطبّعنى بأطباعه
وتبّعنى بقيت متبوع وواحد ضمن أتباعــــــــــه
بتابع حتى أنفاسك وبافرح لما اشوف ناسك
بتتجمّع على حجرك يغيب ليلهم فى عين فجرك
ياطول بالك يا طول صبرك على كل اللى ماتلمّوش
***
عبد الله نظير
ورمل البحر متجمد ما راضى يبوش
ووشك لسه بيداري لأسرارك وأسراري
وإصرارك وإصراري طلع مغشوش
يهيج الموج على الرملة يحاوط صورتك الكاملة
يبل الطرحة بالميه تدارى الميه بالشاملة
أحط إيديكى فى إيديا كذا مرة ما يتحطّوش
أجيبلك دبلة محفورة بحروفك جنبهم صورة
رسمهالك زمان واحنا بنتساوى فـ ملامحنا
وإيدى مزوّقة شعرك وبتغنّي بكلام شعرك
وسحرك فى المكان فاضل يا بنت الحر والفاضل
جمالك لما بفتكره أشوف إيه اللى فيه فاضل
بلاقي العقد والطرحة وريحة ميّتى المالحة
ودمعة مسرسبة وسارحة فى وش بشوش
بشوش فى ملامحه وطباعه وطبّعنى بأطباعه
وتبّعنى بقيت متبوع وواحد ضمن أتباعــــــــــه
بتابع حتى أنفاسك وبافرح لما اشوف ناسك
بتتجمّع على حجرك يغيب ليلهم فى عين فجرك
ياطول بالك يا طول صبرك على كل اللى ماتلمّوش
***
عبد الله نظير
..
التعليقات