دخان وشبورة وغبار على الصفّين وإشارة مكسورة وموقّفة الماشيين وشباب كتيرواقفين قصادى بيندموا فاتت سنيين وسنين وهما...
دخان وشبورة وغبار على الصفّين
وإشارة مكسورة وموقّفة الماشيين
وشباب كتيرواقفين قصادى بيندموا
فاتت سنيين وسنين وهما بيحلموا
ســال دمهـم واتـعــذبوا واتـألّموا
صوت اللى مات بيقول لهم رايحين لفين
مجلس جلس فوق الجثث والميتين
نفّذ إرادة اللى اتحبس والمخلوعين
وقعد يماطل فى الشباب ويهدّهم
والكل عاطل والكلام بيهـزّهم
داس فوق وجعهم لما بيّن ضعفهم
ضعف الشباب خلى التراب مبقاش ثمين
ساس كل شيىء حتى الحكم والمحكومين
داس عَ البريىء خلاه يبعبع كلمتين
حاس الجريىء بالشك ساعة الإختبار
فاز الفريق واتسك باب الإختيار
باظ الطريق اتعك واتحدد مسار
أهل الشمال مصلوبة مع أهل اليمين
الثورة فاتت بس سابت دمعتين
قاعدين لبكره يصحّو ثورة وثورتين
والشمس غابت بس عابت عَ اللى خاف
وسابت لى فكرة اهتفها بكره فى الهتاف
ساعة مانرجع تانى لمكان الاعتكاف
ثورتنا تنضف من المزيّف والرهين
***
عبد الله نظير
التعليقات